GEGURITAN ANYAR

                  WIT RAMBUTAN


(Sumber Gambar : https://www.google.co.id/search?q=gambar+pohon+rambutan)

Watangmu wit rambutan

Ana kang lemu ana kang kuru

Saya dhuwur katon misuwur, saya mangisor katon asor

Ngawe semut karepe dilarud

Nggered angga-angga karepe didadekake tangga

Wohmu wit rambutan

Sing abang-abang marakake semut kepengen ngemut

Dene kang ijo-ijo ora kanggo

Rambutan abang wae diethel gogroke angel

Rambutan ijo ora digepyok wis padha gogrok

Ronmu wit rambutan

Padha ngrembuyung migunani kaya payung

Bisa nutupi saka panase pratanggapati

Ron kang ijem uripe ayem, ron kang jene uripe kere

Kuwi kabeh mau minangka pralambang saka manungsa