GEGURITAN

BABE

 

(Gambar : dokumentasi panganggit tanggal 30 Oktober 2016)

 

Sapa kuwi?

Awake gedhe dhuwur

Ora lemu ning ya ora kuru

Pancen wis tuwa

Nanging sing tuwa amung raga

Sapa kuwi?

Rambute pirang rada putih kaya Landa

Jebul asli wong Jawa

Nganggo ali-ali watu akik

Ning mung sithik

Sapa kuwi?

Kathoke biru kecu klambine putih arih

Kupluke uga warna putih

Eseme pait madu

Weruh sapa-sapa mesthi ngguyu

Sapa ta kuwi?

Srengenge isih angler

Wis anyenyeker mider-mider

Wit-witan ngawe-awe njaluk disiram

Kembang-kembang uga ngelak eram

Sapa ta kuwi?

Lunga teka mlebu metu

Mubeng-mubeng mlaku-mlaku

Ya nyapu ya ngukup uwuh

Tambah ngresiki wadhah uwuh

Sapa ta kuwi?

Ya tukang sapu ya tukang kunci

Njaga gedhung FBS lan LabKar

Sapa ta?

Yaiku Babe.