JENIS JENIS
TEKS
1. Teks Ekspresif
Teks ekspresif inggih menika teks ingkang wosipun asil saking ekspresi jiwa
panganggit. Teks ekspresif menika saged gegayutan kaliyan pengalaman panganggit
saged ugi asil imajinasi saking panganggit. Teks menika ugi saged gambaraken
kados pundi kahanan panganggit utawi menapa ingkang panganggit raosaken.
Ancasipun saged kangge mahyakaken emosi panganggit. Ingkang kalebet teks
ekspresif kadosta cerkak, geguritan, catatan diary, lsp.
Tuladha Teks Ekspresif saged dipuntingali wonten link menika :
Tuladha cerkak wonten ing nginggil kalebet teks ekspresif amargi cerkak menika minangka ekspresi jiwa saking panganggit. Cerkak menika nyariosaken bab kekancan boten pareng padudon. Cerkak menika saged minangka andharan pengalaman pribadi panganggit, saged ugi imajinasi saking panganggit.
2. 2. Teks Informatif
Teks informatif inggih menika teks ingkang wosipun
andharan utawi pawartos bab menapa kemawon ingkang asipat ilmiah utawi saestu
kawontenanipun. Tuladha teks informatif kadosta pawartos wonten ing koran saha
majalah, karya ilmiah, lsp.
Tuladha Teks Informatif saged dipuntingali wonten link menika :
Analisis :
Tuladha kekalih wonten ing nginggil menika kalebet teks informatif, amargi kekalihipun gadhah ancas nyaosi pawarta utawi informasi. Tuladha ingkang sepisanan nyaosi pirsa bab lare Riau kathah ingkang putus sekolah. Tuladha ingkang kaping kalih nyaosi pirsa bab para petugas pemadam kebakaran taksih ngupaya mateni geni ingkang ngobong wana wonten ing Giri Lawu.
3. Teks Estetis
Teks Estetis inggih menika teks ingkang ngemu unsur
kaendahan. Ancasipun kangge mahyakaken raos seni saking panganggit. Ingkang
kalebet teks estetis kadosta geguritan, tembang macapat, lsp.
Tuladha Teks Informatif saged dipuntingali wonten link menika :
Analisis :
Tuladha geguritan wonten ing nginggil kala wau kalebet teks estetis amargi ngemu kaendahan. kaendahan menika saged dipuntingali saking wos saha pamilihipun tembung salebeting geguritan.
4. Teks Argumentatif
Teks Argumentatif inggih menika teks ingkang wosipun panemu saking
panganggit. Ancasipun kangge damel pamaos saged mitadosi menapa ingkang
dipunandharaken dening panganggit. Anggenipun nyerat teks menika ngangge
penalaran, inggih menika dipungayutaken antawisipun fakta-fakta saha
bukti-bukti. Tiga unsur wonten ing teks argumentatif inggih menika : 1). Data;
2). Fakta; saha 3). Pendapat Ahli (expert).
Tuladha Teks Informatif saged dipuntingali wonten link menika :
Analisis :
Tuladha wonten ing nginggil kala wau kalebet teks argumentatif amargi ngandharaken pamanggihipun panyerat. Bab ingkang dipunandharaken inggih menika bilih satunggaling tiyang ngudi ngelmi basa jawi menika gadhah relevansi kaliyan piwulang budi pekerti.
5. Teks Persuasif
Miturut Syamsudin (2009: 40), teks
persuasif inggih menika teks ingkang wosipun ngupaya supados menapa ingkang
dipunandharaken dening panganggit dipunpitados sanget kaliyan pamaos. Ancasipun
supados pamaos kersa nindakaken menapa ingkang dipunandharaken salabetipun teks
menika. Teks persuasif menika asring kangge propaganda Lembaga Kesehatan,
Pemerintah, lsp. Ingkang kalebet teks persuasif inggih menika iklan layanan
masyarakat, iklan kangge komersial, saha pawarta ingkang wosipun pangajak
dhateng pamaos.
Titikanipun
Teks Persuasif :
1) Panganggit mangertos bilih pendirian saha pemahaman
pamaos saged dipunowahi
2) Ngupaya kanthi ngandharaken saha damel kapitadosan pamaos
3) Ngupaya nebihaken saking konflik supados kapitadosan
pamaos boten ical
4) Nedahaken
fakta-fakta saha data kangge ngiyataken argumentasi utawi dalal saking
panganggit.
Tuladha Teks Informatif saged dipuntingali wonten link menika :
http://www.bloggedewek.com/2016/02/contoh-iklan-dalam-bahasa-jawa-beserta.html?m=1
Analisis :
Tuladha ingkang sepisan ngrembag bab bebaya rokok saha ngajak pamaos supados mandheg anggenipun ngrokok. Lajeng tuladha ingkang kaping kalih ngrembag bab iklan mapinten-pinten produk ingkang ancasipun supados pamaos mundhut produk kala wau. Satemah tuladha kekalihipun kalebet wonten ing tuladha teks persuasif.
Analisis :
Tuladha ingkang sepisan ngrembag bab bebaya rokok saha ngajak pamaos supados mandheg anggenipun ngrokok. Lajeng tuladha ingkang kaping kalih ngrembag bab iklan mapinten-pinten produk ingkang ancasipun supados pamaos mundhut produk kala wau. Satemah tuladha kekalihipun kalebet wonten ing tuladha teks persuasif.
6. 6. Teks Deskriptif
Teks deskriptif inggih
menika teks ingkang nggambaraken objek, kanthi ancas supados pamaos ngraos kados
ningali piyambak objek ingkang dipungambaraken. Saged ugi pengalaman ingkang
saged dipuntingali, dipunraosaken, dipunmirengaken migunakaken pancaindra. Bab
ingkang dipungambaraken kadosta kaendahan alam, kahanan jasmani, menapa
perabot-perabot saha sanes-sanesipun.
Urut – urutan nyerat
paragraf deskripsi:
1) Nemtokake tema / objek karangan
2) Nemtokake ancasipun karangan
3) Ngempalaken data kanthi ngamati objek ingkang dipundadosaken objek karangan
4) Nata rantamaning karangan (nyusun rancangan karangan
5) Ngembangake kerangka karangan
Ciri – ciri paragraf deskripsi :
1) Nggambaraken samukawis (sesuatu)
2) Kangge ingkang maos saha ingkang mirengaken kados-kados ngraosaken kahanan
menika piyambak
3) Saged dipunraosaken ngangge panca indra .
Tuladha Teks Informatif saged dipuntingali wonten link menika :
http://brainofayn.blogspot.co.id/2016/04/contoh-deskripsi-panganan-tradisional_56.html?m=1
Analisis :
Tuladha wonten ing nginggil ngandharaken bab apem saha menapa kemawon ingkang wonten gegayutanipun kaliyan apem. Satemah tuladha kala wau kalebet teks deskriptif.
Analisis :
Tuladha wonten ing nginggil ngandharaken bab apem saha menapa kemawon ingkang wonten gegayutanipun kaliyan apem. Satemah tuladha kala wau kalebet teks deskriptif.
REFERENSI
0 komentar:
Posting Komentar